Praktika komunitarioak gizarte inklusiorako motor: BATUZ Gizarte Fundazioaren uda ikastaro berria

Irailaren 2an eta 3an, Donostiako Miramar Jauregian egingo da «Komunitateak ekinean: gizarte inklusiorako praktikak» Uda Ikastaroa. BATUZ Gizarte Fundazioak antolatu du, BideGurutzean proiektuaren bigarren fasearen baitan. Bi jardunaldietan zehar, administrazio publikoetako, unibertsitateetako, gizarte-erakundeetako eta komunitate-ekimenetako ordezkariek ikuspegiak, metodologiak eta esperientziak partekatuko dituzte, komunitate-praktikek gizarte inklusiboagoak eta kohesionatuagoak eraikitzeko duten ahalmen eraldatzailearen inguruan.

BideGurutzean proiektuak askotariko gizarte-eragileen arteko topaketarako, elkarrekiko ikaskuntzarako eta eraikuntza kolektiborako espazioak bultzatzen ditu, komunitatean parte hartzeko eta lurralde-kohesiorako modu berriak aztertzeko. Hainbat esperientzia komunitariotan lagunduz, ekimenak parte-hartze sozialeko prozesuak sustatzen ditu, ikuspegi feminista, kulturarteko, jasangarri eta inklusibo batetik, sare eta dinamika kolaboratiboak sortzen laguntzeko eta lurraldean bizikidetza zein komunitate-konpromisoa indartzeko.

Printzipio horietan oinarrituta, Uda Ikastaroak komunitate-garapenean konprometitutako profesionalen eta erakundeen arteko topaketa, truke eta ikaskuntzarako gunea eskainiko du. Programak hitzaldiak, elkarrizketa-mahaiak, lankidetza-dinamikak eta praktika komunitarioen laborategi bat uztartuko ditu, ezagutzaren trukea, hausnarketa partekatua eta lurraldeetako komunitate-prozesuak indartzeko tresna praktikoak garatzea sustatuz.

Hizlariak eta zuzendaritza akademikoa

Ikastaroan administrazio publikoetako, unibertsitateetako, gizarte-erakundeetako eta komunitate-ekimenetako profesionalek hartuko dute parte. Jardunaldiaren hasiera eLankidetza Euskal Agentziaren eskutik izango da, BideGurutzean proiektuaren erakunde finantzatzaile gisa. Horrez gain, bertan izango dira administrazio publikoetako, unibertsitateetako, gizarte-erakundeetako eta komunitate-ekimenetako profesionalek hartuko dute parte, besteak beste: Gipuzkoako Foru Aldundia eta Donostiako, Errenteriako eta Pasaiako udalak; EHU, Deustuko Unibertsitatea eta Universitat Pompeu Fabra; baita B-Herria, Auzo Zaintza Hernani, Itxastexea Emakume Taldea, AMHER, GriGri Projects, Asociación Devenir eta Asociación Zambra bezalako proiektu eta ekimenak ere. 

Zuzendaritza akademikoa Alberto Gastonen eta José Barreiroren esku egongo da, biak BATUZ Gizarte Fundaziokoak. Alberto Gastón Komunitate Eraldaketako zuzendaria da, eta José Barreiro Arreta Eredua Garatzeko Prozesuko zuzendaria.

Nori zuzenduta dago?

Administrazio publikoetako, gizarte-erakundeetako eta hezkuntza, kultura nahiz kirol arloetako profesionalei; baita irakasleei, ikasleei eta komunitate-prozesuak sustatu nahi dituzten herritar guztiei ere.